Skip to Content

Äʹššeemkääzzkõõzz lie vueʹssen peälštemstroiʹttli aarǥâst da tuärjjee staanvuõđ tuõʹllʼjummuž.

Iʹlmmtõõzz

Vuäitak äʹššeed liâđǥlânji 24/7. Iʹlmmtõõzzin lie liiŋk lääʹddǩiõllsaž seeidaid. Vuäǯǯak lââʹssteâđaid tuu vuuʹd peälštemstroiʹttlest. Peälštemstroiʹttel kääzzkâʹstte ǩirrsâʹttem aaʹššin veʹrǧǧääiʹj.

Tool piijjâmiʹlmmtõs

Tool piijjâmiʹlmmtõõzz tuejjeet tåʹlǩ, jõs tool piijjâm suõvvad jiânnai (Peälštemlääʹǩǩ 8 §). Jõs kõõččmõõžžâst lij vueʹlmõs šââddai puälddmõš, tueʹjjed tõʹst jeäʹrab iʹlmmtõõzz. Tool piijjâmiʹlmmtõõzz tuejjeet nuʹtt ääiʹjpeäʹlnn ko vueiʹtlvaž ouddâl tååim alttummuž. Äävtool ij vuäǯǯ puâllted Äimmtiõtti stroiʹttel uʹvddem kuõrbbvaartõõzz ääiʹj. Tän tool piijjâmiʹlmmtõõzz tuejjummuš da vuõlttummuš ij uuʹd lååʹv äävtool puâlltummša, ko vaartõõzz lie viõǥǥâst.

Iʹlmmtõs vueʹlmõs šââddai puälddmõõžžâst

Iʹlmmtõõzz tuejjeet puk vueʹlmõs šââddai puälddmõõžžâst. Vueʹlmõs šââddai puälddmõõžž pueʹlddi âlgg iʹlmmted puälddmõõžžâst ouddlest. Iʹlmmtõʹsse õhtteet pääkklaž vueʹlmõs šââddai puäʹlddemplaan. Meäʹccmäädd puälddmõõžž vueiʹtet tuejjeed tåʹlǩ vueʹlmõs šââddai puäʹlddemtuâj siltteei meäʹccämmatoummu vuåppmest (Peälštemlääʹǩǩ 379/2011 7 §).

Iʹlmmtõs čiõlgg pueʹllemvaarâst leʹbe jeeʹres päʹrttriiskâst

Peälštemlääʹjj 379/2011 42 § meâldlaž iʹlmmtõs. Iʹlmmtõsteâđai veäkka lij mieʹrren ooudpeäʹlnn cõggâd paaʹrtid.

Iʹlmmtõs heäʹrvvrakeeʹtti privatt ââʹnnmest

Iʹlmmtõõzz âlgg tuejjeed peälštemveʹrǧǧnekka mââimõõzzâst vitt (5) suutk ouddâl heäʹrvvrakeeʹtti âânnmõõžž.

Iʹlmmtõs viõusõõǥǥi ââʹnnmest

Iʹlmmtõõzz âlgg tuejjeed peälštemveʹrǧǧnekka mââimõõzzâst 14 suutk ouddâl šõddmõõžž.

Iʹlmmtõs tollčuäjtõõzzâst

Iʹlmmtõõzz âlgg tuejjeed peälštemveʹrǧǧnekka mââimõõzzâst 14 suutk ouddâl šõddmõõžž.

Iʹlmmtõs kõskkpoddsaž aazztummšest

Iʹlmmtõõzz âlgg tuejjeed peälštemveʹrǧǧnekka mââimõõzzâst 14 suutk ouddâl aazztummuž.

Iʹlmmtõs vuâmmšum muõttčäävvmest

Vuäitak tuejjeed vuâmmšõõzzâst iʹlmmtõõzz še teʹlfoonin soiʹttjeeʹl teʹl. 044 703 8806. Siâzztõssân lij, što vuâmmšum muõttčäävvmest iʹlmmtet mââʹjeeǩani.

Iʹlmmtõs truubačiistmõõžžâst vuâmmšum vaaʹnin da võõʹjjin

Täin lomaakkin truubačiisti oudd peälštemstroiʹttla iʹlmmtõõzz truubačiistâmpääiʹǩest vuâmmšum vaaʹnin da võõʹjjin. Lomaakkin vuäitt še vuõltteed valmmšen tuejjuum truubačiistâmvââʹǩǩiʹlmmtõõzz di jeeʹres truubačiistâmdokumentaatio.

ILMO Puâlliʹlmmteeiaparattriâžldõk

Jieʹttkõõskõs-stroiʹttel liâđǥlaž ILMO-riâžldõõǥǥâst äʹššneǩ vuäitt tuejjeed äʹššneǩvuõʹtte da aparaattid õhttneei muttsid da ođđ ooccmõõžžid. Lââʹssen vuäitt täʹrǩsted da tuõʹllʼjed äʹššneǩ- da laasktemteâđaid di puâll- da reäkkõsiʹlmmteeiaparaatti päiʹǩǩ- da õhttvuõtt-teâđaid. ILMO-riâžldõʹǩǩe mõõnât 112.fi-seiddõõzz pääiʹǩ.

Truubačiistmõš da puâlltäʹrǩstummuž

Truubačiistâmvuäʹppõõzz

  • Põõšši jälstummšest: truubačiistmõš juõʹǩǩ eeʹjj.
  • Âsttääiʹj azlmin: truubačiistmõš kooum eeʹjj kõõski.
  • Ouddâl ââʹnnmavälddmõõžž: pâʹjjel 3 eeʹjj ââʹnǩani leämmaž tollsâjja âlgg tuejjeed truubačiistmõõžž.
  • Tiʹlle truubačiistmõõžž tuu vaʹlljeem truubačiistjest – peälštemstrooiʹtel ij teänab riâžž kääzzkõõzz.
  • Truubačiistmõõžžâst puʹtstet tollsõõʹjid da truubaid di täʹrǩstet tõi vueʹjj.

Looǥǥ lââʹzz: pelastustoimi.fi

Puâlltäʹrǩstemvuäʹppõõzz

  • Puâlltäʹrǩstummšest vuäʹpstet da vuåppât staanvuõđ.
  • Täʹrǩstummšid tuejjeet mieʹrrkõõski leʹbe iʹlmmtõõzzi vuâđald.
  • Pääiʹǩ oudsteei (ouddm. hoʹzjensõõšši) âlgg leeʹd pääiʹǩ âʹlnn.
  • Täʹrǩstummšest ärvvtõõlât jm. meädda piâssâmstaanvuõđ, alggčacǩǩeemneävvaid da peälštemčuõkkui cõõggteʹmesvuõđ.

Looǥǥ lââʹzz: pelastustoimi.fi

Narodsuejai tuõʹllʼjummuš da täʹrǩstummuž

Vaʹstteemvuõđ

  • Raajâlm vuäʹmsteei vaʹsttad narodsuej kuddân âânnmõõžžâst da toiʹmmjummšest.
  • Suejj âlgg leeʹd ââʹnnemvaalmâš 72 čiâss seʹst veʹrǧǧneǩmeärrõõzzâst.

Looǥǥ lââʹzz: pelastustoimi.fi

Täʹrǩstemvuäʹppõõzz

  • Tääʹrǩest jm. äimmvaajtõõzz, pâiʹljišmmventtiilid, uusid, čääʹcckraanid, neävvaid da äʹššǩiiʹrjid.
  • Siâzztõõlât meäʹrmeâldlaž huâl da dokumentâsttmõõžž.
  • Ââʹn taarb mieʹldd sertifiõsttum täʹrǩsteeʹjid. 

Raajjâmhaʹŋǩǩõõzzi staanvuõttmeärrõõzz

Raajõõzzlaž puâllstaanvuõtt

  • Peälštemstrooiʹtel ohjjad kääʹvvteeʹjid da raajjʼjid peälštemčuõkkui, čackkeemčääʹʒʒ da suõvvjaauktummuž vueʹzzeld.
  • Raajjâmvuåppmõš vuäitt raukkâd peälštemveʹrǧǧneeʹǩǩ ciâlkâlm raajjâmlååʹppmääʹttest.

Looǥǥ lââʹzz: pelastustoimi.fi

Mâid âlgg väʹldded lokku plaanummšest

  • Ainsmââʹtt VIRVE-sääiʹmi kollʼjemvuõđ.
  • Pii põõšši čackkeemčääʹccpooʹccid õll rajlmid.
  • Tueʹjjed peälštemplaan da čuäʹjet tõn raajjâmvuåppmõʹšše.
  • Vääʹld lokku meädda piâssâmǩeäinaid, alggčackkeemneävvaid, suõvvjaauktummuž da narodsuejaid plaanin.