Peälštemtååim tuâj lie lääʹjjest šiõttuum da tõi čõõđ viikkmõõžžâst pâjjne jåʹttelvuõtt, viõkkšõsvuõtt da õhttsažtuâjj.
- Siiʹsǩministeria jååʹđat da vuäpp peälštemtååim.
- Lååʹpp- da vuåppâmkonttâr tuärjjee da vuäʹppe vooudlaž toiʹmmjummuž.
- Pueʹrrvââjjamvuuʹd reäʹšše peälštemtååim kääzzkõõzzid.
- Suåppmõščacǩǩeemkååʹdd da peälštemsueʹrj organisaatio tiuddee riâžldõõǥǥ.
Siiʹsǩministeria jååʹđat da vuäpp peälštemtååim
Siiʹsǩministeria vaʹsttad peälštemtååim väʹlddkååddlaž ohjjummšest, oouʹdummšest da lääʹjjšiõttummšest.
Ministeria peälštemvuässõk:
- Jååʹđat, ohjjad da vuäpp peälštemtååim kääzzkõõzzi vuäǯǯamvuõđ da tääʹzz.
- Valmštââll peälštemtååim kuõskki lääʹjjšiõttummuž.
- Õʹhttesuåvat jeeʹres ministeriai da tåimmsuõʹrji toiʹmmjummuž peälštemtååimast.
- Tuʹmmai meeraikõskksaž veäʹǩǩouddmõõžžâst peälštemtoiʹmmjummuž vueʹzzeld.
Peälštemvuässõõǥǥ jååʹđat peälštempâʹjj-jååʹđteei, da tõt toiʹmmai vueʹssen riikksuåvtõõzzâst. Täävtõssân lij staaʹnes da kriisǩeâllʼjeei Lääʹddjânnam.
Lååʹpp- da vuåppâmkonttâr tuärjjee da vuäʹppe vooudlaž toiʹmmjummuž
Lååʹpp- da vuåppâmkonttâr toiʹmmje siiʹsǩministeria tuärjjan da vuäʹppe peälštemtååim vuuʹdineez.
Tõi tuâjaid koʹlle:
- Vuåppâd peälštemtååim kääzzkõõzzi vuäǯǯamvuõđ da tääʹzz.
- Tuärjjeed vooudlaž vaʹrrjõõttmõõžž da õhttsažtoiʹmmjummuž.
- Ärvvtõõllâd peälštemtååim kääzzkõstääʹzz da tuejjeed äʹšštobddiärvvtõõllmõõžžid.
- Vuåppâd jeäʹrab vaar šõddeei paaiʹǩi peälštemplaanid da harjjtõõzzid.
Lååʹpp- da vuåppâmkonttâr ainsmâʹtte, što peälštemstroiʹttel jääʹǩǩte peälštemlääʹjj da što kääzzkõõzz vaʹsttee pääiklaž taarbid da vaarid.
Pueʹrrvââjjamvuuʹd reäʹšše peälštemtååim kääzzkõõzzid
Peälštemtååim riâššâmvasttõs lij 21 pueʹrrvââjjamvuuʹdest da Heʹlssen gåårdest.
Pueʹrrvââjjamvuuʹd:
- Vaʹsttee peälštemtååim kääzzkõõzzi riâššmõõžžâst vuuʹdsteez.
- Plaanee da veʹǩǩe čõõđ kääzzkõõzzid viõkkšânji da mieʹrrmeâldlânji.
- Âʹnne huõl kääzzkõstääʹsstuʹmmstõõǥǥin, kook vuâđđâʹvve vooudlaž riiskid da taarbid.
- Tuõʹllʼje čackkeemsâjldõksääiʹm da peälštemtoiʹmmjummuž vaalmâšvuõđ.
Pueʹrrvââjjamvuuʹd toiʹmmje riikk teäggtõõzzin da lie jiõččvaldšmallaš õõlmâsvuõiggâdvuõđlaž õutstõõzz.
Suåppmõščacǩǩeemkååʹdd da peälštemsueʹrj organisaatio tiuddee riâžldõõǥǥ
Suåppmõščacǩǩeemkååʹdd lie jiõččtäättlaž leʹbe privatt čackkeemkååʹdd, kook toiʹmmje peälštemstroiʹttlin tuejjuum suåppmõõžž vuâđald.
Suåppmõščacǩǩeemkååʹdd
- vuässâʹtte čackkeem- da peälštemtuâjaid
- toiʹmmje reseʹrvven pannšam åårrmõõžžin da narodsuõjjlummšest
- käʹtte nuʹtt 90 % Lääʹddjânnam vuʹvddšorradvuõđâst da hoiʹddje âlddsin peäʹl jieʹtt-tuâjain.
Peälštemsueʹrj organisaatio tuärjjee veʹrǧǧneǩtoiʹmmjummuž jm. škooultõõzzâst, čuõvtemtuâjast da paaʹrti cõggmõõžžâst.
Tääʹrǩes toiʹmmjeei lie:
- SPEK – Suomen Pelastusalan Keskusjärjestö
- SPPL – Suomen Palopäällystöliitto
- SPAL – Suomen pelastusalan ammattilaiset
- Vapepa – Vapaaehtoinen pelastuspalvelu
- SSPL – Suomen Sopimuspalokuntien Liitto
Õõutâst täin toiʹmmjeeʹjin nårrai kaʹtti da määŋgpeällsaž peälštemtååim riâžldõk, kååʹtt toiʹmmai aarǥâst, kriisin di pannšam åårrmõõžžin.
