Aarǥ obbstaanvuõđ vueʹzzeld lij vääžnai, što juõʹǩǩkaž silttad vaʹrrjõõttâd da tåimmad vuõiʹǧǧest aarǥ siõm heâmmõs- da jieʹttvuõʹjjin še.
Vuäǯǯak šiõǥǥ viiŋkid da vuäʹppõõzzid jm.:
- Puâllvaarteeʹji da čackkeemneävvai ââʹnnmest.
- Liâdggaparaatti staaʹnes ââʹnnmest.
- Puâllmõõžž cõggmest da tåimmʼmõõžžâst jieʹttvueʹjjest.
- Dommväärast da tõn miârktõõzzâst.
Puâllvaarteeʹji da čackkeemneävvai âânnmõš
Puâllvaarteei
- Pääkkla pukin azlmin.
- Raajâlm vuäʹmsteei vaʹsttad haʹŋǩǩummšest da sâjja piijjmõõžžâst.
- Raajâlm vuäʹmsteei huâll aparaatt da vaʹsttad tõn toiʹmmjummšest.
- Aassi teʹsttai aparaatt vuäʹppõõzzi mieʹldd da iʹlmmat vuäʹmsteeja toiʹmmjem- ljn. võõʹjjin, koid son vuâmmaš.
- Piijât uuʹccmõsân õõut vaarteei per 60 m² juõʹǩǩ rieʹdde.
- Jeäʹl pii puâllvaarteei ǩeʹttempõʹrtte leʹbe lahtt sõõʹjid – vieʹlt tuuʹššes vaartõõzzid.
Looǥǥ lââʹzz: pelastustoimi.fi.
Čackkeemneävv
- Čackkeemvärjj ǩeʹttempõʹrtte, hiâlpâld vuäǯǯamnalla.
- Polvvarčackkeempoottâl (ABC) takaiââʹnnma.
- Illdioksiidčackkeei (B) liâdggaparattpuâlaid.
- Pueiʹddpuâllčackkeei (F) ǩeʹttempõõrt pueiʹddpuâlaid.
- Mättõõl âânnmõõžž ouddǩiõʹtte – harjjtõõllmõš lââʹzzat tåimmamsnäätnaivuõđ
Liâdggaparaatti staaʹnes âânnmõš
Ââʹnnemvuäʹppõõzz
- Jeäʹl ââʹn muärrjam aparaattid – viiǥǥ huõllu leʹbe hiâvât.
- Pååđat laaddi liâdggkåårbest, ko aparatt lij laddum.
- Jeäʹl pii liâdggaparaatti ool ni mõõn – pâiʹlpakknummuž riskk.
- Ââʹn tåʹlǩ õõut juätkkjottâz – jeäʹl kuällast jottsid.
- Čaackât rääuʹnj iinnâs da ko vuâlǥak meädda.
- Jeäʹl kueʹđ põsslõõččâm-mašina leʹbe ǩiuggân ool vuåppmõõžžtää.
Akkuaparaatt
- Laadd vuåppmõõžž vueʹlnn, jeäʹl laadd ekka leʹbe ko leäk meädda.
- Jeäʹl laadd meädda piâssâmǩeäin kuâŋŋsest.
- Jõs akku pakkan, jõõsk laaddmest da seeʹrd staaʹnes päikka.
Puâllmõõžž ouddǩiõʹtte cõggâm da tåimmʼmõš jieʹttvueʹjjest
Cõggmõš
- Ââʹn huõl puâllvaarteeʹjin da truubačiistmõõžžâst.
- Ââʹn ǩiʹnttlid da tääʹǩǩ staanlânji – ij vaʹhttjeǩani.
- Seeilat puâllʼjeei materiaalid ougglest paakkeeʹjin.
- Jeäʹl tääbbkõõžž seʹst. Čackkâd tääbbǩid pâi tärkka, åuggan še.
Tåimmʼmõš puâllmõõžžâst
- Peälašt oummuid vaarâst.
- Vaarât jeärrsid da ohjjâd noorõõttâmpäikka.
- Čackkâd alggčackkeeʹjin, jõs tõt lij staani.
- Kääʹtt uusid da ikknid – rääʹjet puâllmõõžž.
- Soiʹtte 112 staaʹnes pääiʹǩest.
- Vuäʹppest peälšteeʹjid pääiʹǩ ool.
Looǥǥ lââʹzz: pelastustoimi.fi.
Jõs trappkääʹrdest lij suõvv, de:
- Põõžž azlmest, čââvad uus pirrõõzz kasttuum sekldõõǥǥin.
- Sirddu ålgglehteera leʹbe ikkân årra, kååit vuäǯǯad peälšteeʹjid vuâmmšed tuu.
- Jeäʹl njuiʹǩǩed – vueʹrd peälšteeʹjid.
Dommväärr da tõn miârktõs
Mii lij dommväärr?
Dommväärr miârkkšââvv uuʹccmõsân 72 čiâss veärraunnsi, juǥstõõǥǥ da tarbbši ruâkk, koin piʹrǧǧeet åålǥpeällsaž vieʹǩǩtää.
Looǥǥ lââʹzz: pelastustoimi.fi.
Dommväär siiskõs
- Porrmõš da juǥstõk: purkkporrmõõžž, kåʹšǩǩouddaz, ååʹreh, poottâlčääʹcc.
- Talkkâz da hygienia: persoonla talkkâz, nuuʹžniǩpõʹmmai, mueil.
- Čuõvv da energia: kårmmanläämpa, pättar, väärr-räuʹnnjnoorri, ǩiʹnttel.
- Saaǥǥtummuš: pättrivuiʹm toiʹmmjeei radio, tääʹrǩes äʹššǩeeʹrj, tieʹǧǧ âʹlnn.
- Paakkâsvuõtt: rään, pakk pihttâz, reissǩiʹtti.
Looǥǥ lââʹzz: pelastustoimi.fi
Ââʹnnemvuäʹppõs
- Ââʹn dommväär aarǥ vueʹssen – tiuddâd čõõđ ääiʹj.
- Vääʹld lokku päärnai, âkkõõvvâm oummui da tråckkni taarbid.
- Toobd teâttkääivaid, koid vuäitt luõʹttjed (Yle, 112-suåvldõs).
