Skip to Content

Ášástâllâmpalvâlusah lá uási piäluštemlájádâs aargâst já tuárjuh torvolâšvuođâ paijeentoollâm.

Almottâsah

Tun puávtáh ášástâllâđ 24/7. Almottâsâin láá liiŋkah suomâkielâlijd sijđoid. Lasetiäđuid tun finniih jieijâd kuávlu piäluštemlájádâsâst. Piäluštemlájádâsah palvâleh huáputtes aašijn virgeääigi.

Tuulâcokkiittemalmottâs (fi)

Tuulâcokkiittemalmottâs adeluvvoo tuše, jis tuulâ cokkitmist šadda merhâšitteht suovâ (Piäluštemlaahâ 8 §). Jis koččâmušâst lii vyevdi puáldim viljâlem várás (kulotus), te räähti tast sierânâs almottâs. Tuulâcokkiittemalmottâs ráhtoo nuuvt tooláá ko máhđulâš ovdil tooimâ algâttem. Ávustuulâ ij uážu cokkiittiđ Šoŋŋâdâhtiettuu lájádâs adelem meccipuáluváruttâs ääigi. Taan tuulâcokkiittemalmottâs rähtim já vuolgâttem ij addel love ávustuulâ cokkitmân, jis váruttâsah láá vyeimist.

Almottâs vyevdi puáldimist (fi)

Almottâs ráhtoo puohlágán vyevdi viljâlem várás puáldimist (kulotus). Vyevdi puáldee kalga almottiđ puáldimist muuneeld. Almottâsân lahtoo págulâš vyevdipuáldimvuávám. Meccieennâm puáhtá puáldiđ tuše vyevdi puáldim keevâtlii paargon hárjánâm mecciáámmátlii kocceem vuálásâžžân (Piäluštemlaahâ 379/2011 7 §).

Almottâs čielgâ puáluvaarâst tâi mottoom eres luhottesvuotâriiskâst (fi)

Piäluštemlaavâ 379/2011 42 §:n miäldásâš almottâs. Almottemtiäđuiguin lii ulmen estâliđ luhottesvuođâid muuneeld.

Almottâs ávurakettij priivaat kevttimist (fi)

Almottâs kalga rähtiđ piäluštemvirgeomâhâžân majemustáá vittâ (5) pirrâmpeeivi ovdil ávurakettij kevttim.

Almottâs piähtusij kevttimist (fi)

Almottâs kalga rähtiđ piäluštemvirgeomâhâžân majemustáá 14 pirrâmpeivid ovdil tilálâšvuođâ.

Almottâs tullâčáittusist (fi)

Almottâs kalga rähtiđ piäluštemvirgeomâhâžân majemustáá 14 pirrâmpeivid ovdil tilálâšvuođâ

Almottâs koskâpuddâsii ijâstâllâmsaajeest (fi)

Almottâs kalga rähtiđ piäluštemvirgeomâhâžân majemustáá 14 pirrâmpeivid ovdil ijâstâllâm algâttem.

Almottâs muotâvierrâmaiccâmušâst (fi)

Tun puávtáh almottiđ aiccâmušâst meid puhelimáin p. 044 703 8806. Muotâvierrâmaiccâmuš kannat almottiđ ájáttâlhánnáá.

Almottâs ruottim ääigi aiccum vááijuvvuođâin já vááduin (fi)

Tain luámáttuvváin ryettejeijee addel piäluštemlájádâsân almottâs ruottimčuosâttuvâst aiccum vááijuvvuođâin já vááduin. Luámáttuvváin puáhtá meid vuolgâttiđ valmâšin rahtum ruottimváddualmottâs sehe eres ruottimdokumentaatio.

ILMO Puálualmottempiergâsvuáhádâh (fi)

Etikuávdášlájádâs šleđgâhámásii ILMO-vuáháduvâst äššigâs puáhtá olášuttiđ äššigâsvuotân já piergâsáid lohtâseijee nubástusâid já uđđâ ucâmušâid. Ton lasseen puáhtá tärhistiđ já paijeentoollâđ irâttâs äššigâs- já rekigistemtiäđuid sehe puálu- já rikosalmottempiergâsij čuosâttâh- já ohtâvuotâtiäđuid. ILMO-vuáhádâhân piäsá 112.fi-siijđoi peht.

Ruottim já puálutäärhistmeh

Ruottimravvuuh

  • Fastâ aassâmviäsuin: ruottim jyehi ive.
  • Rijjâääigi aassâmviäsuin: ruottim kuulmâ ive kooskâi.
  • Ovdil kiävtun väldim: paijeel 3 ive kevtihánnáá tullâsaje kalga ruottiđ.
  • Tiiláá ruottim jieijâd valjim ryettejeijest – piäluštemlájádâs ij innig ornii palvâlus.
  • Ruottiimist putestuvvojeh tullâsajeh já hoormih sehe tärhistuvvojeh toi oornig.

Loe las: pelastustoimi.fi

Puálutärhistemravvuuh

  • Puálutärhistem ulmen lii ravviđ já kocceeđ torvolâšvuođâ.
  • Täärhistmeh olášuttojeh merikooskâi tâi almottâsâi vuáđuld.
  • Čuosâttuv ovdâsteijee (om. huávdejeijee) kalga leđe fáárust.
  • Tärhistem ääigi tärhisteijee árvuštâl il. meddâlvyelgimtorvolâšvuođâ, algâčaskâdempiergâsijd já piäluštemkiäinui estuuttesvuođâ.

Loe las: pelastustoimi.fi

Aalmugsuojij paijeentoollâm já täärhistmeh

Ovdâsvástádâsah

  • Rakânâsâi omâsteijee västid aalmugsyeje oornigist tolâmist já toimâmoornigist.
  • Syeji kalga leđe vaalmâš kiävtun 72 tiijme keččin virgeomâhâšmiärádâsâst.

Loe las: pelastustoimi.fi

Tärhistemravvuuh

  • Täärhist il.  ááimumolsom, ollâteedâventtiilijd, uuvsâid, čäcičuággáid, niävuid já äššikiirjijd.
  • Merikoskâsâš huolâttem já dokumentistem lii avžuuttum.
  • Keevti táárbu mield sertifikistum tärhisteijeid.

Huksimhaavâi torvolâšvuotâvátámušah

Rááhtuslâš puálutorvolâšvuotâ

  • Piäluštemlájádâs stivree kaavajeijeid já huksejeijeid piäluštemkiäinui, časkâdemčääsi já suovâ meddâlistem uáinust.
  • Huksimkocceem puáhtá táttuđ piäluštemvirgeomâháá ciälkkámuš huksimlopemuddoost. 

Loe las: pelastustoimi.fi

Vuáváámist huámášumán väldim várás

  • Visásmit VIRVE-viermij kulâduv.
  • Olášut fastâ časkâdemčäcipocceevuáháduv ollâ rakânâsâin.
  • Räähti piäluštemvuávám já oovdânpyevti tom huksimkocemân.
  • Vääldi huámášumán meddâlvyelgimkiäinuid, algâčaskâdemniävuid, suovâ meddâlistem já aalmugsuojijd vuáváámijn.