Vaʹrrjõõttmõõžž täävtõssân lij heâmmõõzzteʹmes tåimmʼmõš še pannšam åårrmõõžžin.
- Narodsuõjjlummuš da narodsuejai âânnmõš.
- Dommtäälai vaʹrrjõõttmõš (ouddm. dommväärr, čääʹcchuâll).
- Veʹrǧǧniiʹǩǩi vaalmâšvuõttplaanummuš.
- Harjjtõõzz da õhttsažtuâjj jeeʹres toiʹmmjeeʹji kõõskâst.
Narodsuõjjlummuš da narodsuejai âânnmõš
Narodsuejai mieʹrren lij suejjeed siviilnarood vääin leʹbe jeeʹres tuõttšõs kriis ääiʹj paccõõzzin, leezztõõzzin, jišmmpäärain, šuõnstõõzzâst da vaarlaž aunnsin.
Toobd ââldmõs narodsuej – teâđ käunnʼje ǩiiddâlm peälštemplaanâst. Jõs jiõk kaaun teâđ leʹbe jälstak piârripõrttvuuʹdest, vuäitak teâđstõõllâd ääʹšš pääiklaž peälštemstroiʹttlest.
Tååim nääiʹt:
- Suõjjõõđ vuõss-sââʹjest siiʹsǩsõõʹjid. Narodsuõjju serddjet eman veʹrǧǧneeʹǩǩ päkkmõõžž vuâđald, ij jiõččtååimeeʹl.
- Valmštõõl suej ââʹnnemvuâkka 72 čiâssâst, ko veʹrǧǧneeʹǩǩ ouʹdde meärrõõzz.
- Vääʹld meädda pâiʹlmeärrsaž täʹvvrid, tääʹrǩest äimmvaajtõõzz da neävvaid.
- Harjjtõõl ââʹnnmavälddmõõžž ouddǩiõʹtte – siâzztõõlât narodsuejjhoiʹddjeei škooultõõzz.
Narodsuejaid mieʹrǩǩeet ââʹliǩ koolmõõǥǥin oranss vuâđ âʹlnn. Suej jie leäkku juõʹǩǩ åʹrnn – veʹrǧǧneeʹǩǩ čuäʹjte suejjpääiʹǩ leʹbe evakuâʹstte taarb mieʹldd.
Looǥǥ lââʹzz: pelastustoimi.fi.
Dommtäälai vaʹrrjõõttmõš (dommväärr, čääʹcchuâll)
Dommtäälai vaʹrrjõõttmõš tuärjjad obb õhttsažkååʹdd kriisǩeâllʼjemvuõđ. Täävtõssân lij piʹrǧǧeed uuʹccmõsân 72 čiâss åålǥpeällsaž vieʹǩǩtää.
Dommväär siiskõs
- Porrmõš da juǥstõk: purkkporrmõõžž, kåʹšǩǩouddaz, poottâlčääʹcc (uuʹccmõsân 6 l / ooumaž).
- Talkkâz da hygienia: persoonla talkkâz, nuuʹžniǩpõʹmmai, mueil.
- Čuõvv da saaǥǥtummuš: kårmmanläämpa, pättar, ǩiʹnttel, pättar-radio.
- Paakkâsvuõtt: rään, pakk pihttâz, reissǩiʹtti
Čääʹcchuâll
- Vaʹrre juukkâmčääʹʒʒ da ââʹnnemčääʹʒʒ.
- Toobd čääʹccjuâkkmõõžž heâmmõsvuõʹjji vuäʹppõõzzid.
- Seuʹrre veʹrǧǧneǩteâđtõõzzid (Yle, 112-suåvldõs).
Looǥǥ lââʹzz: pelastustoimi.fi
Veʹrǧǧniiʹǩǩi vaalmâšvuõttplaanummuš
Vaalmâšvuõttplaanummuš ainsmâtt veʹrǧǧniiʹǩǩi toiʹmmjummuž heâmmõsvuõʹjjin da pannšam åårrmõõžžin. Tõt vuâđđââvv vaalmâšvuõttläkka da lij lääʹjjmeâldlaž õõlǥtemvuõtt.
Tåimmamvuäʹppõõzz kooʹddid da veʹrǧǧniiʹǩǩid
- Tueʹjjed da peeiʹvet vaalmâšvuõttplaanid mieʹrrkõõski.
- Ââʹn huõl tuâjjlažkååʹdd škooultõõzzâst da harjjtõõzzin.
- Õʹhttesuåvât plaanid jeeʹres toiʹmmjeeʹjivuiʹm.
- Vaʹrrjõõđ pannšam åårrmõõžžid da normaalåårrmõõžži heâmmõõzzid.
- Peälštemstrooiʹtel tuärjjad kooʹddid plaanummšest da škooultõõzzâst.
Looǥǥ lââʹzz: pelastustoimi.fi.
Harjjtõõzz da õhttsažtuâjj jeeʹres toiʹmmjeeʹji kõõskâst
Õhttsažtuâjj da harjjtõõzz lie kõskksaž vueʹssen peälštemtååim toiʹmmjempâstlvažvuõđ tuõʹllʼjummšest. Tõk ravvee vaalmâšvuõđ jõnnpaaʹrtid da kriisvuõʹjjid.
Tååim nääiʹt:
- Vuässõõđ vooudlaž da väʹlddkååddlaž harjjtõõzzid.
- Tueʹjjed õhttsažtuâjjplaanid pååʹlsin, vuõsshååidain di peälštemstroiʹttli- da jeeʹres veʹrǧǧniiʹǩǩivuiʹm.
- Äuʹǩǩed Peälštem-mättškooul di peälštemstroiʹttli škooultõõzzid da vuäppsid.
- Ainsmââʹtt čiõlgg tuâjj-juâǥǥ da teâđ jååttmõõžž jeeʹres toiʹmmjeeʹji kõõskâst.
- Oouʹded tåimmam-maallid čõõđ ääiʹj – staanvuõtt lij õhttsaž äʹšš.
