Gádjundoaimma barggut leat lágas mearriduvvon ja daid ollahuhttimis oažžu deattu johtilvuohta, beaktilvuohta ja ovttasbargu.
- Sisáššiidministeriija jođiha ja bearráigeahččá gádjundoaimma
- Lohpe- ja bearráigeahččodoaimmahagat dorjot ja bearráigehččet guvllolaš doaimma
- Buresbirgenguovllut lágidit gádjundoaimma bálvalusaid
- Soahpamuščáskadangottit ja gádjundoaimma organisašuvnnat dievasmahtte vuogádaga
Sisáššiidministeriija jođiha ja bearráigeahččá gádjundoaimma
Sisáššiidministeriijas lea ovddasvástádus gádjundoaimma riikkaviidosaš stivremis, ovdánahttimis ja láhkaásaheamis. Ministeriija gádjunossodat:
- Jođiha, stivre ja bearráigeahččá gádjundoaimma bálvalusaid oažžuma ja dási.
- Válmmastallá láhkaásaheami, mii guoská gádjundoaimma.
- Soahpada oktii sierra ministeriijaid ja doaibmasurggiid doaimma gádjundoaimmas.
- Mearrida riikkaidgaskasaš veahkkeaddimis gádjundoaimma oasil.
Gádjundoaimma jođiha gádjunnjunušhoavda, ja dat doaibmá stáhtaráđi oassin. Ulbmilin lea dorvvolaš ja kriisaceavzil Suopma.
Lohpe- ja bearráigeahččodoaimmahagat dorjot ja bearráigehččet guvllolaš doaimma
Lohpe- ja bearráigeahččodoaimmahagat doaibmet sisáššiidministeriija doarjjan ja bearráigehččet gádjundoaimma guovlluineaset. Daid bargguide gullá:
- Bearráigeahččat gádjundoaimma bálvalusaid oažžuma ja kvaliteahta.
- Doarjut guvllolaš ovddaldastima ja ovttasbarggu.
- Árvvoštallat gádjundoaimma bálvalandási ja ráhkadit áššedovdiárvvoštallamiid.
- Bearráigeahččat earenoamáš vára dagaheaddji čuozáhagaid gádjunplánaid ja hárjehusaid.
Lohpe- ja bearráigeahččodoaimmahagat sihkkarastet, ahte gádjunlágádusat doahttalit gádjunlága ja ahte dat dávistit báikkálaš dárbbuide ja uhkiide.
Buresbirgenguovllut ordnejit gádjundoaimma bálvalusaid
Gádjundoaimma ordnenovddasvástádus lea 21 buresbirgenguovllus ja Helssega gávpogis.
Buresbirgenguovllut:
- Vástidit gádjundoaimma bálvalusaid lágideamis iežaset guovllus.
- Plánejit ja ollahuhttet bálvalusaid beaktilit ja vuogálaččat.
- Fullet bálvalandássemearrádusain, mat vuođđuduvvet guvllolaš riskkaide ja dárbbuide.
- Bajásdollet buollinstašuvdnafierpmi ja gádjundoaimma válmmasvuođa.
Buresbirgenguovllut doaibmet stáhta ruhtademiin ja leat iešmearrideaddji almmosrievttálaš servošat.
Soahpamuščáskadangottit ja gádjunsuorggi organisašuvnnat dievasmahttet vuogádaga
Soahpamuščáskadangottit leat eaktodáhtolaš dehe priváhta čáskadangottit, mat doibmet gádjunlágádusain dahkkon soahpamuša vuođul.
Soahpamuščáskadangottit
- oassálastet čáskadan- ja gádjunbargguide
- doibmet researvan spiehkastatdiliin ja álbmotsuodjaleamis
- gokčet sulaid 90 % Suoma viidodagas ja dikšot measta beali alárbmabargguin.
Gádjundoaimma organisašuvnnat dorjot eiseváldedoaimma ee. skuvlemis, čuvgehusas ja bárttiid eastadeamis. Dehálaš doaibmit leat:
- SPEK – Suoma Gádjunsuorggi Guovddášorganisašuvdna
- SPPL – Suoma Buollinnjunnošiidlihttu
- SPAL – Suoma gádjunsuorggi ámmátolbmot
- Vapepa – Eaktodáhtolaš gádjunbálvalus
- SSPL – Suoma Soahpamuščáskadangottiid Lihttu
Dát doaibmit ovttas hábmejit gokčevaš ja máŋggabealálaš gádjundoaimma vuogádaga, mii doaibmá árggas kriissain ja spiehkastatdiliin.
